Na Galiza existem duas formas de viver a nossa língua. Esta obra recolhe os argumentos e o "sentido comum" que se tecem em volta da visom oficial com o objectivo de os desnudar. Polas suas páginas deteremo-nos na separaçom do galego-português, na barreira ortográfica, na inteligibilidade, na história, na ciência da norma Ilg-Rag ou na equaçom 1 língua/1 naçom, num tom divulgador nutrido de informaçons valiosas.
Na Galiza há um conflito lingüístico e cultural. Desde que se apagou a chama da cultura galego-portuguesa medieval neste canto da península, um processo de substituiçom está-se a consumar; no entanto, nom é este o conflito. Este nasce porque existe um movimento social que questiona e quer quebrar o tecto dominante, isto é, o espanhol.
E, contudo, o que é realmente fascinante no conflito galego é o facto de a língua e a cultura galega apresentar duas leituras, umha micro circunscrita no Estado espanhol e outra macro, a transcender essa baliza em diferentes direcçons. Este livro é umha resposta a cada um dos argumentos micro, palpabilizando, esta foi ao menos a sua intençom, as limitaçons que as alimentam, e é também um apelo para que a regeneraçom formal, funcional e identitária complete o seu círculo.
Não há comentários de clientes neste momento.
Somente os usuários registados podem publicar novos comentários.